நீங்கள் தேடியது "சாகிப் அல் ஹசன்"

வங்காளதேச கிரிக்கெட் அணியின் சுழற்பந்து வீச்சு ஆல்ரவுண்டர் சாகிப் அல் ஹசன். 31 வயதாகும் இவர் வங்காளதேசத்தில் நடைபெற்ற வங்காளதேச பிரிமீயர் லீக் தொடரின் இறுதிப் போட்டியில் விளையாடினார். அப்போது அவருக்கு காயம் ஏற்பட்டது. இதனால் நியூசிலாந்துக்கு எதிரான ஒருநாள் மற்றும் டெஸ்ட் தொடரில் இருந்து விலகினார்.

இதனால் ஐபிஎல் தொடரில் சன்ரைசர்ஸ் ஐதராபாத் அணிக்காக விளையாடுவாரா? என்ற சந்தேகம் இருந்தது. இந்நிலையில் அவருக்கு ஐபிஎல் தொடரில் விளையாட வங்காளதேச கிரிக்கெட் வாரியம் தடையில்லா சான்றிதழ் வழங்கியுள்ளது. ஆனால், வங்காளதேசம் அயர்லாந்தில் முத்தரப்பு கிரிக்கெட் தொடரில் விளையாடுகிறது. இந்தத் தொடர் மே 7-ந்தேதி தொடங்குகிறது. அப்போது தேவைப்பட்டால் சாகிப் அல் ஹசனை தேசிய அணிக்கு அழைத்துக் கொள்வோம் என்று தெரிவித்துள்ளது.

வங்காளதேச பிரிமீயர் லீக் டி20 தொடரில் இன்று நடைபெற்ற ஆட்டத்தில் டாக்கா டைனமைட்ஸ் - ரங்க்பூர் ரைடர்ஸ் அணிகள் மோதின. டாஸ் வென்ற ரங்க்பூர் ரைடர்ஸ் பந்து வீச்சு தேர்வு செய்தது. அதன்படி டாக்கா டைனமைட்ஸ் முதலில் பேட்டிங் செய்தது.

பொல்லார்டு 26 பந்தில் 5 பவுண்டரி, 4 சிக்சருடன் 62 ரன்கள் விளாசினார். கேப்டன் ஷாகிப் அல் ஹசன் 36 ரன்களும், ரசல் 23 ரன்களும் அடிக்க 20 ஓவரில் 9 விக்கெட் இழப்பிற்கு 183 ரன்கள் குவித்தது.

பின்னர் 184 ரன்கள் அடித்தால் வெற்றி என்ற இலக்குடன் ரங்க்பூர் ரைடர்ஸ் அணி களம் இறங்கியது. தொடக்க வீரர்கள் கிறிஸ் கெய்ல் (8), மெஹெதி மருஃப் (10) அடுத்தடுத்து ஆட்டமிழந்தாலும், 3-வது விக்கெட்டுக்கு இணைந்த ரோஸவ், முகமது மிதுன் சிறப்பான ஆட்டத்தை வெளிப்படுத்தினர்.

ரோஸவ் 83 ரன்கள் எடுத்த நிலையில் ஆட்டமிழந்தார். அப்போது ரங்க்பூர் ரைடர்ஸ் அணி 15.3 ஓவரில் 146 ரன்கள் எடுத்திருந்தது. 27 பந்தில் 38 ரன்கள் தேவைப்பட்டது. கைவசம் 7 விக்கெட் இருந்தன. 17 ஓவர் முடிவில் ரங்க்பூர் அணி 4 விக்கெட் இழப்பிற்கு 158 ரன்கள் சேர்த்திருந்தது. கடைசி 3 ஓவரில் 26 ரன்கள்தான் தேவைப்பட்டது.

18-வது ஓவரை அல் இஸ்லாம் வீசினார். இந்த ஓவரின் கடைசி மூன்று பந்தில் ஹாட்ரிக் விக்கெட் வீழ்த்தி அசத்தினார். முகமது மிதுன் 49 ரன்கள் எடுத்த நிலையில் க்ளீன் போல்டானார். அடுத்து வந்த மோர்தசா முதல் பந்திலேயே ஸ்டம்பை பறிகொடுத்தார். அடுத்து வந்த பர்கத் ரேசாவையும் டக்அவுட்டில் வீழ்த்தினார். இதனால் ரங்க்பூர் அணி மளமளவென விக்கெட்டை இழந்தது.

கடைசி இரண்டு ஓவரில் 23 ரன்கள் தேவைப்பட்டது. கைவசம் மூன்று விக்கெட்டுக்கள் இருந்தன. சுனில் நரைன் வீசிய 19-வது ஓவரில் 9 ரன்கள் எடுத்த ரங்க்பூர் 2 விக்கெட்டுக்களை இழந்தது. இதனால் கைவசம் ஒரு விக்கெட் இருக்க கடைசி ஓவரில் ரங்ப்பூர் அணிக்கு 14 ரன்கள் தேவைப்பட்டது.

கடைசி ஓவரை அல் இஸ்லாம் வீசினார். முதல் இரண்டு பந்துகளையும் ஷபியுல் இஸ்லாம் பவுண்டரிக்கு விளாசினார். இதனால் நான்கு பந்தில் 6 ரன்கள் தேவைப்பட்டது. அடுத்த பந்தில் ஒரு கொடுத்த இஸ்லாம், 4-வது பந்தில் ரன்ஏதும் விட்டுக்கொடுக்கவில்லை.

அடுத்த இரண்டு பந்திலும் ரங்க்பூர் அணி தலா ஒரு ரன் மட்டுமே அடித்ததால் 9 விக்கெட் இழப்பிற்கு 181 ரன்கள் மட்டுமே எடுத்தது. இதனால் டாக்கா டைனமைட்ஸ் 2 ரன்கள் வித்தியாசத்தில் த்ரில் வெற்றி பெற்றது.

வெஸ்ட்இண்டீஸ்க்கு எதிரான முதல் டெஸ்ட் போட்டியில் வங்காளதேசம் 64 ரன் வித்தியாசத்தில் வெற்றி பெற்றது. இந்த டெஸ்ட் போட்டியில் வங்காளதேச கேப்டன் சாகிப் அல் ஹசன் முதல் இன்னிங்சில் 3 விக்கெட்டும், 2-வது இன்னிங்சில் 2 விக்கெட்டும் கைப்பற்றினார்.

இதன்மூலம் டெஸ்டில் அவர் 200 விக்கெட்டுகள் கைப்பற்றினார். அவர் ஏற்கனவே 3 ஆயிரம் ரன்னை கடந்து இருந்தார். குறைந்த டெஸ்டில் 200 விக்கெட் கைப்பற்றி, 3 ஆயிரம் ரன் என்ற மைல்கல்லை சாகிப் அல் ஹசன் எட்டினார்.

இதன்மூலம் போத்தம் சாதனையை முறியடித்தார். இங்கிலாந்து முன்னாள் வீரர் இயன் போத்தம் 55 டெஸ்டில் இதனை கடந்து இருந்தார். 31 வயதான சாகிப் அல் ஹசன் டெஸ்டில் 3727 ரன் எடுத்துள்ளார். 201 விக்கெட் வீழ்த்தி உள்ளார்.

வங்காள தேச டி20 கிரிக்கெட் அணி ஆப்கானிஸ்தானுக்கு எதிராக மூன்று போட்டிகள் கொண்ட தொடரில் விளையாடுகிறது. இந்த போட்டி இந்தியாவில் உள்ள டேராடூனில் அடுத்த மாதம் நடைபெறுகிறது. இதற்கு வங்காளதேச அணி அறிவிக்கப்பட்டுள்ளது. சாகிப் அல் ஹசன் கேப்டனாக நியமிக்கப்பட்டுள்ளார்.

சுமார் ஒரு வருடத்திற்குப்பின் பேட்ஸ்மேன் மொசாடெக் ஹொசைன் அணியில் சேர்க்கப்பட்டுள்ளார். இம்ருல் கெய்ஸ், தஸ்கின் அஹமது, விக்கெட் கீப்பர் நுருல் ஹசன் ஆகியோர் நீக்கப்பட்டுள்ளனர்.



ஜூன் 3, 4 மற்றும் 7-ந்தேதி நடக்கும் இந்த தொடருக்கான வங்காள தேச அணியில் இடம்பிடித்துள்ள வீரர்கள் விவரம்:-

1. சாகிப் அல் ஹசன், 2. மெஹ்முதுல்லா, 3. தமிம் இக்பால், 4. சவுமியா சர்கார், 5. லித்தோன் தாஸ், 6. முஷ்பிகுர் ரஹிம், 7. சபிர் ரஹ்மான், 8. மொசாடெக் ஹொசைன், 9. அரிபுல் ஹக்யூ. 10. மெஹிது ஹசன் மிராஸ், 11. நஸ்முல் இஸ்லாம், 12. முஸ்டாபிஜூர் ரஹ்மான், அபு ஹைடர், 13. ருபெல் ஹொசைன், 4. அபு ஜாயத்.